Talişka qaçırdığı penalti haqda nə dedi? - ''Heç kimdən gizlənmirəm''
''Qalatasaray''ın ''Fənərbaxça''nı 3:0 darmadağın etdiyi derbiyə damğa vuran olaylardan biri də Anderson Talişkanın penaltini qaçırması oldu.
"Football-plus.az" xəbər verir ki, braziliyalı futbolçu 13-cü dəqiqədə hesab 0:0 olarkən topun başına keçsə də, ''çərçivə''yə düşə bilmədi. Bu, ''sambaçı''nın mövsümdə qaçırdığı 3-cü penalti oldu. Təbii ki, təcrübəli futbolçu oyundan sonra fanatların ciddi qəzəbinə tuş gəldi.
Bu arada Talişka oyunun üzərindən 2 gün keçdikdən sonra penalti ilə bağlı öz səhifəsində paylaşım edib. Rəsmi ''iks'' (tvitter) səhifəsindən bir yazılı açıqlama paylaşan Talişka bunları qeyd edib:
''Penaltini vuran mənəm. Məsuliyyət mənim üzərimdədi. Belə anlarda həqiqi komanda yoldaşlarının kim olduğunu görürsən. Penalti vurmağı heç kim mənə söyləmədi. Çünki penalti vuran mənəm. Bu məsuliyyəti üzərimə götürdüm. Çünki bu mənim işimdi. Derbidə qolu vursaydım, ən yaxşı futbolçu olacaqdım. Daha öncə dəfələrlə olduğu kimi. Amma penalti qaçırmaq da futbolun bir parçasıdı. Hər kəsin fikrinə hörmətlə yanaşıram. Necə futbolçu olduğunu bilirəm. Buna görə də bu formanı geyirəm. Fərqli mövqelərdə oynayıram. Sağ cinah, ''9'' nömrə, ''8'' nömrə, ''10'' nömrə və bunu qürurla edirəm. Yeganə hədəfim bu klubu çempion etməkdi. Heç bir şeydən və heç kimdən gizlənmirəm''.
Digər xəbərlər
