Talişka ''Beşiktaş'' fanatlarına tərif yağdırdı
Anderson Talişka ''Beşiktaş''da keçirdiyi 2 mövsüm (2016-18) ərzində elə performans sərgiləmişdi ki, fanatlar indiyə qədər də onu unuda bilmir.
İstanbul nəhəngi son dönəmlərdə dəfələrlə braziliyalını yenidən heyətə qatmağa çalışsa da, buna nail ola bilməyib. Talişka artıq 2,5 ildi, Səudiyyə Ərəbistanının iddialı təmsilçisi ''Ər-Riyad''ın şərəfini qoruyur. O, Kriştiano Ronaldo ilə birlikdə komandasının əsas qol silahıdı.
Bu arada 29 yaşlı futbolçu son müsahibəsində ''Beşiktaş'' fanatlarını xatırlayaraq onları tərifləyib:
''Meydanda baş verənlərə təsir göstərmə, gurultulu səs çıxarma və güc baxımından mənim üçün dünyanın ən yaxşısı ''Beşiktaş'' fanatlarıdı. 2017-ci ildə İstanbulda Çempionlar Liqası matçında ''Leyptsiq''li Timo Vernerin başına gələnləri xatırlamaq kifayətdi. Stadiondakı gurultuya dözə bilməyərək oyundan çıxmaq istəmişdi''. Talişkanın haqqında bəhs etdiyi oyunda Verner həqiqətən də gurultu səsinə dözə bilməyərək 32-ci dəqiqədə əvəzlənmişdi. Almaniyalı futbolçu oyundan sonra verdiyi açıqlamada ''Avropada bir daha hansısa stadionda bu cür durumla qarşılaşacağımı düşünmürəm'' ifadəsini işlətmişdi.
ƏLİ
Digər xəbərlər
