''Mənim dönəmimdə Talişka çox yaxşı futbolçu idi. Səudiyyə Ərəbistanı çempionatını da fürsət düşdükcə izləyirəm. Talişka son dönəmlərdə elə də çox oynamırdı. Amma yüksək səviyyəli oyunçudu. ''Beşiktaş''da bizim üçün bir çox önəmli qollar vurmuşdu. Amma 80 dəqiqə ona dözmək məcburiyyətində qalırdıq. Çünki qətiyyən müdafiəyə kömək etmirdi. Mourinyo bəlkə də bu baxımdan onu yola gətirə və müdafiəyə qayıtmağa məcbur edə bilər. Amma daha bir problem odu ki, ''Fənər'' Ceko və Ən-Nəsirinin timsalında iki hücumçu ilə oynayır. Talişka gəldikdən sonra onların hansı ehtiyatda qalacaq? Mourinyo bu məsələni də həll etməli olacaq. Talişka məncə, ''10 nömrə'' mövqeyində ''Fənərbaxça''ya çox lazımlı futbolçudu. O hamımızın bildiyi səviyyədədisə mütləq Türkiyədə adından söz etdirəcək. Hətta həmişəki səviyyəsindən bir pillə aşağıda olsa da, yetərlidi. Fiziki problemləri yoxdusa, önəmli bir transferdi. Onun ayağının iç hissəsi ilə vurduğu zərbələr inanılmaz alınırdı. ''Beşiktaş''da onun ayaq içi ilə vurduğu zərbələrin bu qədər dəqiq və qüvvətli alınmasına təəccübümüzü gizlədə bilmirdik. Çünki xarici görünüşcə heç bir əzələ kütləsi yox idi. Üstəlik fitness məşqləri ilə də arası yox idi. Trenajor günlərində onu ortalıqda görmürdük. Amma ayağında sanki anadangəlmə, genetik bir güc var. Topu qoyub geri çəkilmədən 25-30 metrdən ''doqquzluğ''a vura bilir''.