Bu yay keçiriləcək dünya çempionatında İran yığmasının İtaliya ilə əvəzlənə biləcəyi haqda iddia və ehtimallar səngimir.

"Football-plus.az" xəbər verir ki, FİFA belə ssenarini müzakirə etmir. Bu barədə BBC məlumat yayıb.

Bir neçə gün əvvəl belə təşəbbüslə ABŞ-nin Prezidenti Donald Trampın nümayəndəsi Paolo Zampolli çıxış etmişdi. O, dördqat dünya çempionu olan İtaliyanın seçmə mərhələ keçmədən turnirə buraxıla biləcəyini demişdi. Lakin FİFA-da bu ideya dəstək qazanmayıb. Təşkilatın prezidenti Canni İnfantino bir müddət əvvəl İran yığmasının turnirdə iştirak edəcəyini bildirmişdi.

Hazırda İranda milli komandanın yarışa hazır olduğu və mundialda heç bir məhdudiyyət olmadan çıxış etməyi planlaşdırdığı mövqeyi hakimdi. Qeyd edək ki, iyunun 11-də start götürəcək DÇ-2026 ABŞ, Kanada və Meksikada keçiriləcək.