Bir neçə həftə əvvəl İranın futbol və idman ictimaiyyətinin bir qrup üzvü FİFA-ya müraciət etmişdi.

Football-plus.az xəbər verir ki, onlar ali futbol qurumundan İran yığmasını DÇ-2022-yə buraxmamağı xahiş etmişdilər.

Maraqlıdı ki, Yozef Blatter də belə düşünür. FİFA-nın sabiq prezidenti İranın Qətərdə keçiriləcək turnirdən kənarlaşdırılmalı olduğunu bildirib. O, “Blick” nəşrinə açıqlamasında ölkə daxilində qadınların hüquqları pozulduğu və Ukraynaya hərbi təcavüzü davam edən Rusiyaya silah satıldığı üçün belə qərarın vacib olduğunu qeyd edib:

Xatırladaq ki, bir neçə gün əvvəl Ukrayna Futbol Assosiasiyası İranın dünya çempionatında iştirakına qadağa qoyulması xahişi ilə FİFA-ya müraciət etmişdi. Avropanın bəzi dairələrində də mundilada İranı İtaliya ilə əvəzləmək çağırışları olmuşdu. Lakin ali futbol təşkilatı nəhəng turnir ərəfəsində özü üçün əlavə problem yaratmaq istəmir. İran yığması B qrupunda İngiltərə, Uels və ABŞ-la birlikdə mübarizə aparacaq.