Aprelin 26-da Azərbaycan futbolunun gözü “Palms Sports Arena”da olacaq. Çünki derbi var - “Neftçi” “Qarabağ”ı qəbul edəcək.

4 gün sonra isə 21-ci turdan təxirə salınmış oyun keçiriləcək. Flaqmanın azarkeşləri bu iki oyunda minimum 3 xala ümid edir. Realdımı? Niyə də yox?! “Ağ-qaralar” bu duellərdə qələbəyə heç vaxt bu qədər yaxın olmayıb. Komanda tam formadadı. “Qarabağ”da isə vəziyyət tam əksinədi.

Çempionatda ardıcıl xal itkiləri, kubokdan da kənar qalmaq... Bu amillər komandanın fiziki yox, psixoloji cəhətdən də büdrəməsi deməkdi.

“Neftçi” üçün durum maksimum bu qədər yaxşı ola bilərdi. Əsl vaxtıdı. Hə, futbolçular, hə, Vernidub! Çıxın, oynayın, döyüşün və 5 illik həsrətə son qoyun!

Xatırladaq ki, “Neftçi” çempion olduğu mövsümdən bəri “Qarabağ”ı məğlub edə bilmir.

MÜZƏFFƏR QULUZADƏ