Misli premyer-liqasının 20-ci turunda “Neftçi” səfərdə “Kəpəz”i məğlub etdi - 3:1.

“Football-plus.az” xəbər verir ki, oyunsonrası mətbuat konftansında “ağ-qaralar”ın baş məşqçisi Yuri Vernidub media önünə çıxıb.

- Sambuya nə yedirib-içirdiz ki, “ayağı açılıb”?
- “Neftçi” azarkeşlərini təbrik edirəm. Yadınızdadısa, “Forza Neftçi”nin ad günü idi. Xəstə idim deyə, iştirak edə bilməmişdim. Ona görə də üzr istəyirəm. Əsas onların dəstəyidi. Sambuya gəlincə, yaxşı forvarddı. Məşqçi kimi “Abubakar, yoxsa Sambu” seçimini etmək çətindi. Mənə xoşdu ki, onlar qol vururlar. Onlar dəyişib. Komanda üçün oynayırlar. Belə davam etsələr, daha yaxşı olacaq.

- İki həftə oynamayacaqsız. Bu sizi nə dərəcədə qayğılandırır?
- Rəhbərlikdən xahiş etmişəm ki, yoxlama oyunu olsun. Ya da öz aramızda oynayacağıq.

- Futbolçulara mükafat veriləcək? Xəbəriniz varsa, nə qədər olacaq?
- Onlar üçün ən böyük mükafat qələbədi. İşlədik, 3 xal qazandıq. Onlarla çox ünsiyyətdə oluram. İnanıram ki, daha yaxşı olacaq.

- Optimal "11-liy”in olmaması nəyə görədi? Hələ formalaşdırmamısız, yoxsa oyun prinsipiniz budu?
- Qapıçıları nəzərə almasaq, 23 futbolçumuz var. Hər biri məşqlərdə yaxşı iştirak edir. Anlayıram ki, hamısı oynaya bilməz. Amma onlar oynamağa layiqdi ki, oynasınlar. Şərait yaradıram ki, hamısı oynasınlar. “Qarabağ”da da gördüz ki, futbolçular uzun müddət oynamayanda fərqli nəticələr olur. Bizim komandada ulduz yoxdu, ailə var.

- “Qarabağ”la oyunun təxirə salınmasına münasibətiniz necədi? Bunu Ukraynadakı derbi ilə müqayisə edə bilərsiz?
- Bu mövzunu bağlamaq vaxtıdı. Rəhbərliklə görüşdük, qərar verdik ki, Azərbaycan təmsilçisinə dəstək olaq. Bu bizim qərardı. Bizim üçün yaxşı olmaya bilər, ritmdən düşürük. “Qarabağ”a “Nyukasl”la oyunda uğurlar arzulayıram. Bu Azərbaycan futbolunun uğurudu.

- “Neftçi” azarkeşləri artıq “Neftçi qayıdır” deyir. Sizin buna münasibətiniz?
- Azarkeşsiz futbol olmur. Bizim onlarla yaxşı münasibətimiz davam edir (gülür). Arzulayıram ki, hər gün yanımızda olsunlar. Bizə və azarkeşlərə lazım olan budu. “Neftçi” azarkeşləri ilə fəxr edirəm.

MÜZƏFFƏR QULUZADƏ