2009-un ''Barsa''sı, yoxsa, 2023-ün ''Siti''si?
Karyerasını 2019-cu ildə başa vuran tanınmış yarımmüdafiəçi Yaya Ture trebl qazanmış iki komandanı - 2009-un ''Barselona''sı ilə 2023-ün ''Mançester Siti''sini müqayisə edib.
"Football-plus.az" xəbər verir ki, hər iki komanda bu uğuru Xosep Qvardiolanın başçılığı altında qazanıb. Hazırda ''Tottenhem''in akademiyasında çalışan 40 yaşlı Ture futbolçu kimi 3 il ''Barsa''nın, 8 il ''Siti''nin şərəfini qoruyub. O, bu müqayisədə üstünlüyü ''Barselona''ya verib:
''Əslində bu müqayisə çox çətindi. Amma məncə, 2009-dakı ''Barselona''nın heyəti daha güclü idi və ulduzlarla dolu idi. Ona görə də həmin komanda indiki ''Siti''ni məğlub edərdi. Həmin ''Barsa'' arzuların komandası idi. Orda hər məşq inanılmaz tempdə keçirdi. Fantastik bir səviyyə var idi. Təsəvvür edin, İnyestanın 26-27, Xavinin 28 yaşı var idi. Həmin an qarşısıalınmaz idilər. Üstəlik irəlidə həmin an üçün dünyanın ən yaxşıları Anri, Eto'O və Messi var idi. Xavi və İnyestanın arxasında isə mən və Buskets qərarlaşmışdıq. O komanda tarixin ən ideal komandalarından biridi''.
ƏLİ
Digər xəbərlər
