“Real”da yayda köklü dəyişikliklər gözlənilir. Prezident Florentino Peres cari mövsümün sonunda komandada struktur dəyişiklikləri etmək niyyətindədi.

"Football-plus.az" xəbər verir ki, klubun rəhbəri artıq komandadan ayrılacaq 8 oyunçunun siyahısını tərtib edib. Siyahıdakı ilk oyunçu Eduardo Kamavinqadı. Müdafiəçilər Fran Qarsiya və Raul Asensio, həmçinin yarımmüdafiəçi Daniel Sebalyosun da klubdan ayrılacağı gözlənilir.

Rəhbərlik müdafiəçilər David Alaba və Daniel Karvaxalın müddəti bu yay sona çatacaq müqavilələrini yeniləmək niyyətində deyil. “Kral klubu” həmçinin hücumçular Franko Mastantuono və Qonsalo Qarsiyanı icarəyə verməyi planlaşdırır. Xəbərdə Vinisius Junior və ya Cud Bellingemin satılması variantının istisna edilmədiyi də vurğulanır.

Amma Antonio Rüdiger gələn mövsüm də İspaniya klubunda çıxış edəcək. Rəhbərlik təcrübəli futbolçu ilə müqaviləni tezliklə yeniləyəcək. Bu haqda AS qəzeti məlumat yayıb. 33 yaşlı müdafiəçinin hazırkı müqaviləsinin müddəti cari mövsümün sonuna qədərdi. Madrid klubu ona birillik yeni müqavilə təklif edib.

Deyilənə görə, almaniyalı futbolçu klubla iki mövsümlük müqavilə imzalamaq istəyir. Lakin “Real”ın bosları onun birillik təklifi də qəbul edəcəyinə əmindilər.

Antonio komandada 2022-ci ilin yayından çıxış edir.