Gift Orban azarkeşlərlə yaşadığı dava ilə gündəmə gəlib.

"Football-plus.az" xəbər verir ki, “Verona”nın artıq 3 aydı qol vura bilməyən nigeriyalı hücumçusunun uğursuz çıxışı azarkeşlərin səbrini daşırıb.

Tərəfdarlar “Milan”la matçdan (0:1) sonra stadionun çıxışında futbolçunu qarşılayıblar. Lakin Orban onlara avtoqraf verməkdən imtina edib. Azarkeşlərdən biri hücumçuya öz iradlarını bildirdikdə isə futbolçu öz müvazinətini itirib. O, avtomobilinə əyləşmək istədiyi anda həmin şəxsi itələyərək uzaqlaşdırmağa çalışıb. Nəticədə tərəflər arasında dava düşüb.