Mahir yenə komanda yoldaşıyla dalaşdı! – ayrılığın şok detalları açıqlandı...
Mahir Emrelinin “Nürnberq”dən ayrılmasından xəbərdarsız.
“Football-plus.az” xəbər verir ki, “Bild” məsələnin detalları haqda bilgi əldə edib.
Belə ki, həmvətənimiz sonuncu məşqdə də komanda yoldaşıyla dalaşıb. Onun budəfəki “rəqibi” Florian Flik olub. Dəqiq desək, Mahir onunla xoşagəlməz insident yaşayıb. Almaniyanın tanınış nəşri hadisəni belə şərh edib:
“Onsuz da Emreli son həftələrdə yol verdiyi sərt davranış üzündən komandada sevilməməyə başlamışdı. Fliklə yaşadığı insident hadisələrin pisə doğru irəlilədiyini təsdiqlədi. Mahir bundan sonra stadionun katakombalarına zərbələr endirib. Düzdü, baş məşqçi Miroslav Kloze problemlə bağlı onunla danışmağa çalışıb. Lakin bu işə yaramayıb. Görünür, Mahir özü “Nürnberq”dən ayrılmaqda israrlı olub”.
Xatırladaq ki, Mahir ötən ilin sentyabrında digər komanda yoldaşı Yannik Hoffman, dekabrında isə Kloze ilə yaşadığı münaqişələrlə gündəmə gəlmişdi.
KƏNAN BAHADIR
Digər xəbərlər
