Eritreya yığmasında növbəti qalmaqal baş verib. Milli komandanın uzun fasilədən sonra keçirdiyi ilk səfər oyunundan sonra 7 futbolçu ölkəyə qayıtmayıb.

"Football-plus.az" xəbər verir ki, bu hadisə Cənubi Afrika ərazisində baş verib. Məlumatda bildirilir ki, futbolçular ölkələrinə dönməmək üçün başqa dövlətdə siyasi sığınacaq almağa çalışırlar. Eritreyada mövcud olan sərt rejim, azadlıqların məhdudlaşdırılması və müddətsiz hərbi xidmət səbəbindən 2009-cu ildən indiyədək təxminən 70 futbolçu oxşar şəkildə ölkəyə qayıtmaqdan imtina edib.

Qeyd edək ki, Eritreya yığması 2019-cu ilin dekabrından sonra uzun müddət heç bir oyun keçirməyib və buna görə FİFA-nın reytinq siyahısından çıxarılıb. Hələ 2023-cü ildə komandanın DÇ-2026-nın seçmə mərhələsində iştirakı planlaşdırılsa da, yerli hakimiyyət futbolçuların yenidən ölkədən qaçacağından ehtiyat edərək yığmanı turnirdən geri çəkmişdi. Buna baxmayaraq, Eritreya 2025-ci ildə iki yoldaşlıq oyunu keçirərək futbola qayıtmışdı.

Bu il isə komanda Afrika Millətlər Kubokunun seçmə turnirində Esvatini üzərində iki qələbə qazanaraq qrup mərhələsinə vəsiqəyə sahib çıxıb. Bu, yığmanın son 19 ildə ilk belə uğuru olub. Cavab görüşü səfərdə keçirilib və bu, milli komandanın uzun illərdən sonra ölkə xaricindəki ilk oyunu kimi tarixə düşüb. Lakin Eritreya bu səfərdən də tam heyətlə qayıtmay