Malayziya yığması cidd sanksiyaya məruz qalıb. Milli komanda 2027-ci ildə keçiriləcək Asiya Kubokunda iştirak şansını itirib.

"Football-plus.az" xəbər verir ki, Asiya Futbol Konfederasiyası komandanın seçmə turnirdə Nepal və Vyetnam üzərindəki qələbələrini ləğv edərək malayziyalılara hər iki matçda 0:3 hesablı texniki məğlubiyyət verib. Buna heyətdə oynamaq hüququ olmayan futbolçuların iştirakı səbəb olub.

FİFA-nın araşdırması nəticəsində saxta sənədlərlə milliləşdirilən 7 futbolçu, o cümlədən “Alaves”in üzvü Fakundo Qarses 12 ay müddətinə cəzalandırılıb. Malayziya Futbol Assosiasiyası isə ümumilikdə 350 min İsveçrə frankı və əlavə 50 min dollar cərimə olunub.

Qeyd edək ki, bu qərardan sonra xalları silinən Malayziyanın seçmə qrupda bir oyunu qalsa da, lider Vyetnamdan 6 xal geri qalaraq final mərhələsində oynamaq şansını itirib.