“İnter” qələbəsiz seriyaya darmadağınla son qoydu - İCMAL
A seriyasının 31-ci turunun oyunlarından sonra “İnter”in istənilən halda liderliyini qoruyacağı məlum idi. Amma Kristian Kivunun komandası buna “Roma” üzərində inamlı qələbə ilə nail oldu.
"Football-plus.az" xəbər verir ki, əvvəlki turda çempionluq uğrunda mübarizədə intriqa az da olsa bərpa olunmuşdu. Hər halda lider “İnter” Florensiyada iki xal itirmiş (1:1), əsas izləyicisi “Milan” isə bundan maksimum yararlanmışdı. “Qara-göylər”in əsas izləyicisi ilə xal fərqinin 8-dən 6-ya düşməsi mövsümün sonuna 8 tur qalmış ciddi siqnal idi. “İnter” bütün turnirlərdə 4 oyunluq qələbəsiz seriyadan qaça bilməməklə mövsümün həlledici mərhələsində azarkeşlərini məyus etmişdi. Növbəti rəqib heç də zəif deyildi. Çempionlar Liqasına sonuncu vəsiqəni verən 4-cü yeri tutmağa çalışan komandalardan olan “Roma” 6-cı pillədə möhkəmlənmişdi. Deməli, paytaxt təmsilçisi milanlıların qələbəsiz seriyasını davam etdirməyə çalışacaqdı.
Lakin nəticə “canavarlar” üçün acınacaqlı oldu. Lautaro Martinesin bir aylıq fasilədən sonra sıraya dönməsi “İnter” üçün sevindirici məqam idi. Argentinalı hücumçu komandasının 5:2 hesablı qələbəsində iki qolla rol oynadı. Ümumiyyətlə, milanlıların əksər oyunçuları çox yaxşı təsir bağışladılar. Bir qol vurub iki dəfə assist edən Markus Türamın, qola və məhsuldar ötürməyə imza atan Çalhanoğlunun çıxışını da vurğulayaq. Romalıların ilk qolunu vuran Mançininin zədələndiyi üçün fasilədən sonra komandasına kömək edə bilmədiyini və onun yoxluğunda qonaqların arxa xəttinin kobud səhvlərə yol verdiyini də qeyd edək. Beləliklə, Kivunun komandası 4 oyunluq qələbəsiz seriyaya darmadağınla son qoydu. “Roma” isə üzücü məğlubiyyətlə 4-cü yeri tutmaq şansına bir qədər “kölgə saldı”.
Paytaxtın digər klubu “Latsio” evdə “Parma” ilə 1:1 hesablı heç-heçəyə razılaşdı. Üç oyunluq qələbə seriyası qırılan Mauritsio Sarrinin komandası indi Avropa Liqasına vəsiqə verən 6-cı yerdəki “Roma”dan 10 xal geri qalır.
31-ci tur
Kremoneze – Bolonya 1:2
Bonatsoli, 90+1-p. – Joao Mario, 3. Rou, 16.
Bolonya: Ravalya, Miranda, Lukumi, Vitik, Joao Mario (Zortea, 82), Moro (Pobeqa, 82), Fröyler, Rou (L.Ferqyuson, 78), Zom (Kambyaqi, 78), Bernardeski (Orsolini, 61), Kastro.
Verona – Fiorentina 0:1
Facoli, 82.
Fiorentina: De Xea, Qosens (Fatsini, 76), Ranyeri, Ponqraçiç, Komutso (Breşianini, 90), Facoli (Koşpo, 90), Ndur, Fabbian (Pikkoli, 59), Harrison, Qudmundsson, Ken (Balbo, 76).
Latsio – Parma 1:1
Noslin, 77 – Delprato, 15.
Latsio: Motta, Tavareş, Romanyoli, Provstqor, Maruşiç (Latsari, 58), Kataldi, Teylor, Dele-Başiru, İsaksen (Kançelyeri, 58), Pedro (Noslin, 58), Maldini (Dia, 65).
İnter – Roma 5:2
L.Martines, 2; 52. Çalhanoğlu, 45+2. M.Türam, 55. Barella, 63 – Mançini, 40. Lorentso Pelleqrini, 70.
İnter: Zommer, Açerbi, Akanci, Bastoni (Darmian, 58), Dyumfris, Dimarko, Barella, Zyelinski (Mxitaryan, 76), Çalhanoğlu (Suçiç, 66), L.Martines (Bonni, 58), M.Türam (F.Espozito, 66).
Roma: Svilar, Ermoso (Zelkovski, 81), Mançini (Qilardi, 46), Ndika, Rensx (Simikas, 58), Çelik, Kristante, Pizilli, Lorentso Pelleqrini, Sule (Əl-Şaaravi, 64), Malen.
Sassuolo – Kalyari 2:1
Qarsiya, 50. Pinamonti, 78 - S.Espozito, 30-p.
Piza – Torino 0:1
Adams, 80.
Udineze – Komo 0:0
Leççe – Atalanta 0:3
Skalvini, 29. Krstoviç, 59. Raspadori, 73.
Yuventus – Cenoa 2:0
Bremer, 4. Makkenni, 17.
Napoli – Milan 1:0
Politano, 79.
1. İnter 31 23 3 5 71-26 72
2. Napoli 31 20 5 6 47-30 65
3. Milan 31 18 9 4 47-24 63
4. Komo 31 16 10 5 53-22 58
5. Yuventus 31 16 9 6 54-29 57
6. Roma 31 17 3 11 42-28 54
7. Atalanta 31 14 11 6 44-27 53
8. Bolonya 31 13 6 12 40-37 45
9. Latsio 31 11 11 9 32-29 44
10. Sassuolo 31 12 6 13 38-41 42
11. Udineze 31 11 7 13 35-42 40
12. Torino 31 10 6 15 35-53 36
13. Parma 31 8 11 12 22-39 35
14. Cenoa 31 8 9 14 36-44 33
15. Fiorentina 31 7 11 13 36-44 32
16. Kalyari 31 7 9 15 32-44 30
17. Kremoneze 31 6 9 16 26-46 27
18. Leççe 31 7 6 18 21-43 27
19. Verona 31 3 9 19 22-53 18
20. Piza 31 2 12 17 23-55 18
Bombardirlər: L.Martines (İnter) - 16, Duvikas (Komo) - 11, Höylunn (Napoli), Pas (Komo), Devis (Udineze), Yıldız (Yuventus) - 10.
Növbəti turun oyunları aprelin 10-13-ü aralığında keçiriləcək: Roma - Piza, Kalyari - Kremoneze, Torino - Verona, Milan – Udineze, Atalanta – Yuventus, Cenoa – Sassuolo, Parma - Napoli, Bolonya - Leççe, Komo - İnter, Fiorentina - Latsio.
Oyundan sonra
Kristian Kivu, “İnter”in baş məşqçisi:
“Lautaro Martinesin sıraya dönməsinə sevindim. Türamın qol vurub məhsuldar ötürmə etməsinə, Barellanın qoluna və Dyumfrisin əla oyununa görə də sevinirəm. Matçda dönüş nöqtəsi ikinci hissənin əvvəlində 3-cü qolu vurmağımız oldu. Fasilədə futbolçulardan məhz bunu etməyi istəmişdim. Əvvəlki oyunlarda çox sayda xallar itirmişdik. Həmin matçlarda hesabı qorumağa çalışmaqla səhv etmişdik. Bu axşam ikinci hissədə meydana dominantlıq etməklə qələbəni rəsmiləşdirmək üçün çıxdıq. Bu oyunda hər bir komponentdə irəliləyişə nail olduq. Topun arxasınca daha çox qaçdıq və fasilədən sonra çox yaxşı təsir bağışladıq”.
Can Pyero Qasperini, “Roma”nın baş məşqçisi:
“İlk saniyələrdə qol buraxmaq məyusedici idi. Buna baxmayaraq, komandamızın ilk hissədəki çıxışından razı qaldım. Hərçənd fasiləyə hesabda geri yollanmaq mənəvi durumumuza zərbə idi. İkinci hissənin əvvəlində buraxdığımız qol isə “Roma” üçün böyük psixoloji zərbə oldu. Şübhəsiz, Mançini bizim üçün vacib oyunçudu. Bütün aparıcı futbolçularımız meydanda olanda rəqabətədavamlı komanda kimi görünürük. Amma indi bir neçə oyunçunun yoxluğunun əziyyətini çəkirik. Qısası, oyun rəqibin 3-cü qolundan sonra böyük ölçüdə sona çatdı və çox güclü oynayan “İnter”in haqqını verməliyik”.
Digər xəbərlər
