“Mançester Siti”nin hücumçusu Erlinq Holann Norveçin ən bahalı kitabını alıb.

25 yaşlı futbolçu və atası Alf-İnqe Holann 1594-cü ildə çap olunan kral dastanlarının nadir nəşrini 1,3 milyon Norveç kronu (130 min dollar) qarşılığında satın alıb. 13-cü əsrdə yaşamış skald və yazıçı Snorri Sturluson bu əsərin müəllifi sayılır.

Oğul Holann kitabı yerli kitabxanada hamı üçün əlçatan olması şərti ilə doğma Time bələdiyyəsinə bağışlayıb. Kitab təhlükəsiz mühitdə nümayiş etdiriləcək.

Deyəcəksiz ki, bu xəbərin bizə nə dəxli var? Sadəcə, azərbaycanlı futbolçuların hansındansa məhz belə nəcib jest gözləyirik...

ORXAN