Federiko Kyeza DÇ-2026-nın pley-off mərhələsində İtaliya yığmasına kömək edə bilməyəcək.

"Football-plus.az" xəbər verir ki, “Liverpul”un sağ cinah oyunçusu İtaliya Futbol Federasiyasının təlim-məşq bazasında sağlamlıq müayinəsindən sonra fiziki problemlərlə üzləşib. Nəticədə Kyeza yığmanın heyətindən ayrılıb. Baş məşqçi Cennaro Qattuzo onun yerinə “Bolonya”nın hücumçusu Nikolo Kambyaqini komandaya çağırıb. Eyni səbəbdən “Atalanta”nın hücumçusu Canluka Skamakka da komandanın heyətindən çıxarılıb.

Xatırladaq ki, Kyeza AÇ-2024-dən sonra ilk dəfə milli komandaya çağırılmışdı. O, İtaliya yığmasında 51 oyun keçirib, 7 qol vurub və 8 məhsuldar ötürmə edib.

İtaliya DÇ-2026-nın pley-off mərhələsinin yarımfinalında martında 26-da Şimali İrlandiya ilə qarşılaşacaq. Qalib komanda finalda Uels - Bosniya və Hersoqovina duelinin qalibi ilə qarşılaşacaq.