Stefan Əl-Şaaravinin iki ildən artıq həsrəti sona çatıb.

"Football-plus.az" xəbər verir ki, “Roma”nın hücumçusu bu müddətdən sonra ilk dəfə İtaliya yığmasına çağırılıb. O, AÇ-2024-ün seçmə mərhələsinin Malta və İngiltərəyə qarşı oyunları üçün milli komandaya dəvət alıb.

30 yaşlı futbolçu Sandro Tonali və Nikolo Zanyolo mərc qaydalarını pozmaqda şübhəli bilinən oyunçularla bağlı aparılan araşdırmalar fonunda evə göndərildikdən sonra belə şans qazanıb. Federiko Kyeza isə zədə səbəbindən yığmanın düşərgəsini tərk edib.

Əl-Şaaravi İtaliya yığmasında 29 oyuna 6 qol vurub. O, bu komandada sonuncu oyununu 2021-ci ilin martında keçirib.