“Liverpul”un “Yuventus”dan transfer etdiyi Federiko Kyeza müvəqqəti vətəninə qayıda bilər.

Britaniyanın “Mirror” qəzetinin İtaliya mətbuatına istinadla yaydığı xəbərə görə, cari mövsümdə, sadəcə, 78 dəqiqə oynayan Kyeza artıq qış "transfer pəncərəsi"ndə icarə əsasında “qırmızılar”ın düşərgəsini tərk edə bilər. İtaliyanın “İnter”, “Milan” və “Roma” klubları 26 yaşlı hücumçunun xidmətində maraqlıdı.

Xatırladaq ki, “Liverpul” Kyezanı avqustda heyətinə qatmışdı, amma onda müqavilənin detalları barədə məlumat verilməmişdi. 2022-ci ildən “Yuventus”da çıxış edən futbolçu bu müddət ərzində 51 matçda 7 dəfə fərqlənmişdi. O, “Liverpul”da bir məhsuldar ötürmə ilə yadda qalıb.