İspaniya La Liqasında mart ayının ən yaxşı məşqçisi müəyyənləşib.

"Football-plus.az" xəbər verir ki, bu ada “Barselona”nı çalışdıran Hans-Diter Flik layiq görülüb. Komanda İspaniya çempionatında bu ay 3 oyun keçirib. Flikin komandası bu matçlarda “Atletik”i (1:0), “Sevilya”nı (5:2) və “Rayo Valyekano”nu (1:0) məğlub edib.

“Barselona” hazırda La Liqanın turnir cədvəlinə başçılıq edir. İkinci yerdə olan “Real” kataloniyalılardan 4 xal geri qalır. Əlavə edək ki, “Barselona” növbəti mövsüm üçün Çempionlar Liqasının liqa mərhələsinə vəsiqəni vaxtından əvvəl təmin edən ilk komanda olub.