Füri ilə Coşua arasında razılıq əldə olunub
Britaniyalı boksçular – Tayson Füri ilə Entoni Coşua döyüşün keçirilməsi ilə bağlı razılığa gəlib.
Bununla bağlı xəbəri “talkSPORT”un əməkdaşı Qaret Devis yayıb.
Onun dediyinə görə, tərəflər artıq döyüşün şərtlərini razılaşdırıb:
“Füri – Coşua döyüşü hazırdı. Səhnə arxasında hər şey razılaşdırılıb. Nüfuzlu qaynağım var. Bunlar böyük pulları olan adamlardı. Döyüşü “Netflix” göstərəcək. Onlar döyüşə doğru irəliləyir, hər ikisi döyüşmək istəyir. Bu hadisə baş verəcək”.
36 yaşlı Coşua 2013-cü ildən bəri peşəkar səviyyədə çıxış edir. Onun hesabında 29 qələbə (26-sı nokautla), həmçinin 4 məğlubiyyət var. Boksçunun əmisi yanvarda onun karyerasını bitirdiyini demişdi.
37 yaşlı Füri 34 qələbə (24-ü nokautla) qazanıb, 2 döyüşdə uduzub, daha bir döyüşü heç-heçə bitib.
Digər xəbərlər
