Təsdiqləndi: Füri – Coşua döyüşü olmayacaq!
“Queensberry Promotions” şirkətinin rəhbəri Corc Uorren bildirib ki, WBC versiyası üzrə superağır çəkidə dünya çempionu Tayson Füri (32-0) ilə Entoni Coşua (26-3) arasında çoxdan gözlənilən döyüş baş tutmayacaq:
“Bütün planlar pozuldu. Ona görə ki, Coşuanın maraqlarını təmsil edən “Matchroom Boxing” şirkəti əks əlaqəyə çıxmadı. Onlar bu döyüşün təşkilinə maraq göstərmədi”.
“Matchroom Boxing” promouter şirkətinin rəhbəri Eddi Hirn isə bir neçə gün əvvəl döyüşün alınmamasının günahını Fürinin üzərinə yıxıb. Guya Coşua döyüşün təşkili ilə bağlı müqaviləyə imza atmaq üçün vaxt şərtinə əməl etmədiyindən Tayson döyüşü ləğv edib.
Füri aprelin 24-də Londonda keçirdiyi son döyüşün 6-cı raundunda Dillian Uaytı nokauta salıb. Coşua isə avqustun 20-də Ciddədə keçirilən döyüşdə hakimlərin qərarı ilə Aleksandr Usikə uduzub.
Digər xəbərlər
