“Qəbələ” indi yaxşıdı, yaxşılığa doğru gedir. Düzdü, ilk dövrədə 10-15 hücum edirdik, qol vurmaqda çətinlik çəkirdik, rəqiblər gəlib əks-hücumda cəzalandırırdı, qalib gəlirdi. Şükürlər olsun, indi bir-iki toxunuş oldu, komanda özünə gəldi. Vəziyyət elə oldu ki, rəhbərlik, məşqçi, futbolçular, azarkeşlər - hər kəs yumruğunu birləşdirdi, dedik ki, ən azı elitada qalmalıyıq. 1-ci liqadan yeni qayıtmışıq. Yüksək pillələr uğrunda oynamaq tezdi. Heyətimizin 70 faizi 1-ci liqada da bizimlə oynayan futbolçular idi. Hər kəs baş məşqçinin arxasında dayandı. Yanvardan sonra yaxşı oyun sərgiləyirik. Çempionatda ardıcıl 2 qələbə və 2 qol elə-belə nəticə deyil. “Qəbələ” yanvardan sonra çempionatın ən yaxşı komandalarından biridi. Kubokda elitanın lideri “Sabah”la səfərdə 0:0 da çox yaxşıdı, məncə. Reallığa baxanda “Sabah”ın yaxşı heyəti, komandası var. Belə komanda ilə oyunun şansını Qəbələyə saxlamışıqsa, bu özü uğurdu. Bu futboldu, hər şey ola bilər. “Qəbələ” ən zəif vaxtlarında kubokun yarımfinalına, finalına çıxıb, hətta qalib olub. İnanırıq ki, komandamız gələcəkdə daha yüksək yerlər uğrunda oynayacaq. Üstümüzdən çempionatda qalmaq uğrunda mübarizənin ağırlığı götürüləcək. Kubokda da inanıram ki, iki oyunun nəticəsinə görə “Qəbələ” növbəti mərhələyə yüksələr”.