Bilindiyi kimi, hər iki komandanın məqsədi çempion olmaqdı. Belədə azarkeşlər “qırmızı-qaralar”ı səfərdə tək qoymamalı və kollektivin uğuruna təkan verməlidi. Bəs tərəfdarlar “Qəbələ”ni dəstəkləmək üçün Lökbatana yollanacaqmı?
Bu suallarla “Red Black Army” fanklubunun rəhbəri Cavad Şərifliyə müraciət etdik. Onun “Football-plus.az”a dedikləri:
“Çempionat hələ yeni başlayıb. İlk oyunlar keçirilir. Komandamıza inanırıq. Həmişə olduğu kimi, bu dəfə də “Qəbələ”ni səfərdə dəstəkləmək üçün tribunalarda olacağıq. Düzdü, sayımız o qədər də çox olmayacaq. Lakin burda əsas məsələ say yox, komandanı tək qoymamaqdı. Ümid edirik ki, “Qəbələ” səfərdə qələbə qazanacaq. Komandamıza uğurlar arzulayırıq”.
Xatırladaq ki, “Qaradağ Lökbatan” – “Qəbələ” oyunu saat 16.00-da başlayacaq.
KƏNAN BAHADIR
