Debütantın başqanı ''Fənər''ə meydan oxudu - ''Bizdə Kantedən də yaxşı futbolçular var''
''Gənclərbirliyi''nin prezidenti Arda Çakmak son açıqlaması ilə diqqət çəkib.
Fevralın 9-da Türkiyə çempionatının 21-ci turunda ''Gənclər'' ''Fənərbaxça''nın qonağı olacaq. Paytaxt təmsilçisi turnir cədvəlində 11-ci pillədə qərarlaşıb və səfərdə son qələbəsini oktyabrın ortalarında əldə edib. Buna baxmayaraq Arda Çakmak İstanbul nəhənginə meydan oxuyub. Onun xüsusilə ''Fənər''in dünyaca ünlü yeni transferi Nqolo Kante haqda dediyi sözlər maraq doğurub:
''Kante dünya futbolunda öz yeri olan önəmli bir futbolçudu. Amma mən ''Gənclərbirliyi''nin prezidenti olaraq söyləyirəm ki, bizim heyətdə Kantedən daha yaxşı futbolçular var! Həmin daha yaxşı futbolçuları bazar ertəsi görəcəksiz. Kim güclüdüsə, o da qalib gələcək''.
Maraqlıdı ki, ''Gənclərbirliyi'' güclü rəqibinə qarşı keçirdiyi son səfər matçından qalib ayrılıb. Bu hadisə 2020/21 mövsümünə təsadüf edib. Həmin vaxt ankaralılar elita ilə vidalaşsa da, İstanbulda ''Fənər''dən 2:1 üstün olmuşdu.
Digər xəbərlər
