''Konyaspor''un prezidenti ''Fənərbaxça''ya meydan oxudu
Türkiyə çempionatının 19-cu turunda ''Fənərbaxça'' bazar ertəsi - yanvarın 13-də ''Konyaspor''un qonağı olacaq.
''Football-plus.az'' xəbər verir ki, mövsümü o qədər də inamlı keçirməyən Konya təmsilçisi hazırda 13-cü pillədə qərarlaşıb. Amma buna baxmayaraq klubun prezidenti Ömər Korkmaz İstanbul nəhəngi ilə oyundan öncə iddialı açıqlamalar verib:
''Öz meydanımızda hər oyuna qələbə üçün çıxan komandayıq. Uzun illərdi, belədi. Düzdü, bəzən ev matçlarında problemlər yaşayırıq. Amma mən həmişə demişəm ki, İstanbul nəhəngləri bura 1 xal arzusu ilə gəlməlidilər. Yəni ''Konyaspor'' bu cür klub olmalıdı. Bu baxımdan hansı səviyyədə olduğumuzu, kənardan necə görsəndiyimizi bilmirəm. Amma mən olmalı olduğumuz səviyyəni deyirəm. Kimliyindən asılı olmayaraq Konyaya gələn klublar qalib gəlməklə bağlı xəyallar qurmamalıdılar. Biz belə bir komandaya çevrilməyə can atırıq. Bunun üçün ilk növbədə həm oyunumuzda, həm də heyətdə sabitlik yaxalamalıyıq. ''Fənərbaxça'' qarşısında meydana mütləq qələbə üçün çıxacağıq''.
ƏLİ
Digər xəbərlər
