“Ruslanla yollarımızın ayrılmasını istəməzdik. Yaxşı futbolçudu, bombardirlər siyahısında gedir. Belə futbolçunu heç bir komanda itirmək istəməz. Amma məsələnin başqa tərəfi də var. Ruslana “Səbail”dən yaxşı təklif gəldi. Biz o klubun Ruslana təklif etdiyi pulu verə bilməzdik. Aramızda danışıq oldu, razılaşdıq. Məsələ maaş məsələsidi. Biz “Səbail”də aldığı maaşı verə bilməzdik. Klubun qaydaları var, maaşın maksimum həddi var. Balans lazımdı. Bizim və Ruslanın razılığı ilə transferə imkan verdik. Biz bu transferdən pul qazanmadıq. Biz Ruslanı satmamışıq. Pul əldə etməmişik. Ruslan bizə gələndə danışığımız olmuşdu ki, qışda yaxşı təklif olsa, komandanı dəyişmək istəsə, ona mane olmayacayıq. Ona görə də pul almadıq, qazanmaq niyyəti güdmədik”.