1-ci liqada mübarizə aparan “Şahdağ Qusar”, belə görünür ki, maliyyə çatışmazlığından əziyyət çəkir. Şimal təmsilçisi mövsümlük geyim dəstinin xərcini qarşılamaq üçün azarkeşlərin dəstəyinə bel bağlayır. Belə ki, klubun İdarə Heyətinin sədri və kapitanı Rahid Əmirquliyev sosial şəbəkə səhifəsində qusarlı fanatlara səslənib: “Əziz azarkeşlərimiz, klubumuzun rəmzlərini üzərində daşımaq və komandamıza dəstək olmaq üçün azarkeş dəstini əldə edin. Satışdan əldə olunan 7380 manat gəlir ilə klubun ümumi geyim dəstlərinin xərci qarşılanacaq”.
Azarkeş dəsti klubun formasından və şərfindən ibarətdi.