“Fənərbaxça”nın qış transfer dönəminə sürətli başlaması, Musaba və Genduzi kimi dərhal komandaya fayda verə biləcək futbolçular alması fonunda “Qalatasaray”ın fil qulağında yatması diqqəti çəkir.

Türkiyə çempionunun bu qış indiyəqədərki fəaliyyətini tam bir fiasko adlandırmaq olar. “Cim-Bom”un ciddi maraq dairəsində olan və İstanbula gələcəyi gözlənilən “Hoffenhaym”ın qürbətçi futbolçusu Umut Tohumcunun keçidi baş tutmadı. Komandadan ayrılan Berkan Kutlunun alternativi olacağı gözlənilən 21 yaşlı yarımmüdafiəçi “Holştayn”a icarəyə verildi. Can Armando Güner məsələsində isə “Qalatasaray” rəhbərliyinin səriştəsizliyi üzə çıxdı. Çünki hətta danışıqlar üçün İstanbula qədər gələn futbolçunu da transfer etmək mümkün olmadı! 18 yaşlı qürbətçi vinger yanvarın 9-da İstanbula ayaq basmışdı. Amma sonradan onu yetişdirən klub olan Münhenqladbax “Borussiya”sı bu futbolçunun heç kimə xəbər vermədən və heç kimdən icazə almadan Türkiyəyə yollandığını açıqladı. “Borussiya”dan FİFA ilə bağlı təhdid gəlincə, “Qalatasaray” “ağ bayraq qaldırmalı” və geri çəkilməli oldu. Can Armando Güner dünən yenidən Almaniyaya qayıtdı.

Bu səriştəsizlik fanatların ciddi etirazına səbəb olub. “Qalatasaray”da transferlərin gecikməsinin əsas səbəbi odu ki, komanda birdən-birə “böyük balıq” tutmaq istəyir. Məsələn, rəhbərliyin əsas hədəfi PSJ-dən Fabian Ruisdi. Onun altenrativləri isə “Mançester Yunayted”li Manuel Uqarte və “Vilyarreal”lı Pape Geyedi. Qış transfer dönəmində ulduz isimləri almaq daha çətindi. Çünki heç bir klub mövsümün ortasında əsas futbolçusunu buraxmaq istəmir. “Qalatasaray” hələ ki Ruisi mövsümün sonuna qədər icarəyə götürmək niyyətindədi. Onun daimi əsasda transfer edilib-edilməməsi isə sərgiləyəcəyi oyundan asılı olacaq. Amma PSJ müqaviləyə məcburi transfer maddəsinin salınmasını və mövsümün sonunda dərhal 30 milyon avronun ödənilməsini tələb edir.

Rəhbərlik hələ ki nə qarşı tərəflə anlaşa bilib, nə də futbolçunu İstanbula gəlməyə razı salıb. Başqan Dursun Özbək son açıqlamasında bunları deyib: