Mərakeşdə keçirilən Afrika Millətlər Kuboku davam edir. 2026-nın ilk günü futbol həvəskarlarına ekzotik xəbər gətirdi. Qabonun hakimiyyət orqanları turnirdəki fiaskonun ardından milli komandanı buraxdı. Yığmanın lideri, əfsanəvi Pyer-Emerik Obameyanqa da bu cəzadan pay düşdü.

"Football-plus.az" xəbər verir ki, həqiqətən də, Qabon yığması qitə çempionatında uğursuzluğa düçar oldu. Tyerri Muyumanın rəhbərlik etdiyi komanda F qrupunda keçirdiyi bütün oyunlarda uduzdu: Kameruna 0:1, Mozambikə 2:3, Kot-d’İvuara 2:3. Baxmayaraq ki, son oyunda 2:0 öndəydilər. Hakimiyyət orqanları belə acı məğlubiyyətlərə sərt reaksiya verdi – yığmanın bütün heyəti buraxıldı.

İdman nazirinin səlahiyyətləti icra edən Simplis-Dezie Mambula televiziya efirindən bunları dedi:

Beləliklə, yığma tarixinin bombardiri (41 qol), 2015-ci ildə Afrikada ilin futbolçusu seçilən 36 yaşlı Obameyanq iradəsinin ziddinə beynəlxalq karyerasını bitirməli oldu. Son oyunda zədə üzündən meydana çıxmayan veteran hücumçu bu xəbərə sosial şəbəkə hesabında belə reaksiya verdi:
Qabon hökumətinin qərarı Beynəlxalq Futbol Federasiyasının (FİFA) Nizamnaməsini birbaşa pozur, axı orda dövlətin milli assosiasiyaların fəaliyyətinə müdaxilə etməsinə sərt qadağa qoyulub. FİFA belə hərəkətlərə görə ənənəvi sərt sanksiyalar müəyyənləşdirir – belə ölkələrin klubları və yığmaları bütün beynəlxalq yarışlardan uzaqlaşdırılır.

Yaxın tarixdə bununla bağlı çoxlu presedent var: məhz hökumətin müdaxiləsi üzündən 2022-23-cü illərdə Zimbabve ilə Şri-Lankanın FİFA-ya üzvlüyü dayandırılıb. 2022-ci ilin avqustunda məhkəmənin qərarından sonra Hindistan qısamüddətli cəzaya məruz qalıb, Keniya, Çad və Pakistan isə oxşar səbəblərdən müxtəlif vaxtlarda dünya futbol ailəsindən təcrid olunub. Heç şübhəsiz, Qabonu da eyni tale gözləyir. Əlbəttə, hökumət bu məsələ ilə bağlı mövqeyini dəyişməsə.