“Onlardan hansının qarşısını kəsmək daha çətin idi? Mənim üçün Leonun. Biz onunla eyni nəslin futbolçularıyıq. Demək olar, bütün karyeramı Avropada keçirmişəm. Mənə dəfələrlə onların hər ikisinə qarşı oynamaq qismət olub. Təəssüf ki, onlar bir neçə dəfə “Atletiko”nu dəyərli titullara həsrət qoyublar. Messi əsl istedaddı. İstər qısa, dar məsafədə, istərsə də boş zonada. Onun çətin vəziyyətdən çıxmaq qabiliyyəti, sadəcə, heyrət doğurur. Bir hərəkətlə rəqiblərdən sıyrılmaq, meydanı görmək qabiliyyəti... Messi başqalarından çox fərqli idi. Bəzən hətta onu tutmaq istədikdə də tuta bilmirsən. Bir ara elə bir dönəm var idi ki, Messinin ayağına zərbə endirəndə də yerə yıxılmırdı. Biz müdafiəçilər sanki onun ovuna çıxmışdıq. Yerə yıxıldıqda da dərhal ayağa qalxırdı. Özü də əsəbləşmirdi. Leo yalnız bir halda – ona qarşı çirkli oynayanda əsəbləşirdi. Messi və Ronaldo az qala hər mövsüm 50 qol vururdu. Müdafiəçilər onların qarşısını kəsməyin yollarını bilmək istəyirdi. Kriştiano üçün belə desək, bəzən həyatı çətinləşdirmək mümkün olurdu. Onu bir an olsun gözdən qoymadıqda, boş zona vermədikdə və sürət toplamasına, cərimə meydançasına daxil olmasına mane olduqda çətinlik çəkirdi. Messi isə istənilən vəziyyətdən çıxış yolu tapırdı. Çünki bütün meydan boyunca hərəkət edirdi və xətlərarası ötürmələr verirdi. Messi istənilən cinahla hərəkət etməyi bacarırdı”.