Dieqo Qodin bu il komandasını ikinci dəfə dəyişib. Onun Braziliya macərası təxminən yarım il çəkib.

2010-19-cu illərdə “Atletiko”dakı uğurlu çıxışı ilə tanınan müdafiəçi sıralarına bu ilin əvvəlində qoşulduğu “Atletiko Mineyro”nu tərk edib. Dieqo bundan sonra Argentinada çıxış edəcək. 36 yaşlı müdafiəçi “Veles Sarsfild”ə transfer olunub. Buenos Ayres klubunun rəsmi saytının məlumatında uruqvaylı oyunçu ilə müddəti 2023-cü ilin dekabrına qədər nəzərdə tutulan müqavilə imzalandığı bildirilib.

Qeyd edək ki, Qodin Argentinada ilk dəfə top qovacaq. O, karyerası ərzində ölkəsində “Serro”, “Nasyonal”, Avropada isə “Atletiko”dan başqa, “Vilyarreal”, “İnter” və “Kalyari”də də çıxış edib.