“Liverpul”un hücumçusu Məhəmməd Salah sosial şəbəkələrdə evində qurulan bayram yolkasından fotolar paylaşdığına görə tənqidə düçar olub.

"Football-plus.az" xəbər verir ki, müsəlmanlar Milad bayramını təntənəli şəkildə qeyd etməsələr də, misirli ulduz artıq neçənci dəfə izləyicilərini bu münasibətlə təbrik edir və dərhal da auditoriyanın bir hissəsində neqativ reaksiya doğurur.

“Liverpul”un ulduzu bu il qızlarının – 11 yaşlı Məkkə ilə 5 yaşlı Kayanın fotolarını paylaşıb. Qızlar şarlarda bəzədilən, üzərinə böyük qırmızı lent sərilən yolkanın önündə əyləşib. Hücumçu paylaşımın altında lakonik şərh yazıb – ürək emodzisi qoyub və “Milad bayramınız mübarək” həştəqini qoyub.

Məhəmməd özü fotoda yoxdu, axı hazırda Afrika Millətlər Kuboku davam edir, o da turnirə qatılıb. Salahın yolkanın da yer aldığı paylaşımı sosial şəbəkədə ilk dəfə görünməsə də, islam dininə sitayiş edənlər yenə də buna yetərincə neqativ yanaşır.

İzləyicilərdən biri belə yazıb: “Düşünürdüm ki, bizim inancımızda qadağan olunan bu bayramı qeyd etməyəcəksiz”. Bir başqası belə yazıb: “Mo, mən səni özümə kumir sayırdım. Heç vaxt “Mançester Siti”də oynamasan da, məni – “Siti” azarkeşini ruhlandırırdın. Ancaq bu paylaşımdan sonra səni daha özümə kumir saya bilmərəm. Ürəyimi parçaladın. Bu tviti silməsən, izləyicilərin sırasından çıxacam”.

Daha sərt reaksiyalar da var: “Qardaş, özün naminə Allahdan qorx – sən müsəlmansan, milyonlarla adam səni izləyir və sevir. Onların böyük əksəriyyəti islam inanclıdı, ancaq onlar gəncdi, sənin etdiklərini normal sayacaq. Bu isə böyük günahdı, əvvəllər belə olmurdu, bunun müsəlmanlara dəxli yoxdu”.

Ancaq Salahın paylaşımını müsbət qiymətləndirən istifadəçilər də var. İzləyicilərdən biri belə yazıb: “Müxtəlifliklərə dözümlü yanaşsaq, dünya daha yaxşı olacaq”. İstifadəçilərdən birinin qeydi: “Bilirsizmi, mən dekabrın 1-dən bəri bu fotonu gözləyirdim. Görməyimə şadam. Həm Salahı sevənlər, həm də nifrət edənlər söz-söhbətə başlayıb. Mo, heç vaxt adamı məyus etmirsiz. Sizin qəlbinizdə olan sevincin ailənizin və bütün dünyanın qəlbini bürüməsi üçün dua edəcəm. Allah sizi qorusun”.

“Liverpul” fanatları bir müddət əvvəl komandanın premyer-liqadakı uğursuzluqlarını hətta Salahın təbrikləri ilə bağlayırdı. Guya Mo Miladdan sonra auditoriyanın neqativ reaksiyasını görərək pis oynayır və komanda mövsümü 1-ci yerdə başa vura bilmir. Misirlu ulduz ötən il bu nəzəriyyəni yerlə yeksan etdi: həmin vaxt da ona “islama xəyanət edən” deyirdilər, ancaq bu məqam nəticələrdə əksini tapmadı. Milad fotosundan sonra da hücumçu mövsümün ikinci hissəsini yaxşı keçirdi və Arne Slotun rəhbərlik etdiyi komanda çempion oldu.

Elə indi də Monun mənfi məqamlara baş qoşmaq üçün vaxtı yoxdu. Axı Misir yığmasını Afrika Millətlər Liqasında qalib etməyə çalışır. Turnirdə keçirdiyi ilk iki oyunda qələbə qazanan “fironlar” artıq 1/8 finala qələbə qazanıb. Salah isə həm Zimbabve (2:1), həm də Cənubi Afrika (1:0) ilə oyunda qol vurub. Belə görünür ki, “Liverpul”un heyətində ehtiyat oyunçular skamyasında oturmaq Məhəmmədi idman formasından salmayıb. O, indiyə qədər Misir yığmasının heyətində 65 qol vurub. Mo bu göstəricidə Afrikada ən yaxşılardandı. Cənubi Afrika ilə oyunda 65-ci qolunu vurmaqla Kot-d’İvuar yığmasının sabiq ulduzu Didye Droqbaya çatdı.

Yığmada daha çox qol vuran bütün afrikalılar karyerasını bitirdiyinə görə bu siyahıda birinci yerə yüksəlmək misirli ulduzun öz əlindədi. Zambiyadan olan rekordçu Qodfri Çitalunı (79) arxada qoymaq üçün Salah daha 15 qol vurmalıdı. Malavidən olan Kinnah Firi 71, misirli Hossam Həssən 69 dəfə fərqlənib.