''İndi ''Fənər''dən təklif alıb-almamağım haqda danışmaq üçün doğru zaman deyil. Təbii ki, məşqçiyə ehtiyac duyulduğu anda mənim də adımın namizədlər sırasında olması sevindiricidi. Daha öncə də vurğulamışam ki, mənə ehtiyac olacağı təqdirdə heç bir şərtə bağlı olmadan yardım etməyə hazıram. Bir ara ehtiyac olmuşdu. Mənimlə əlaqə də saxladılar. Amma alınmadı. Yaxşı ki də alınmadı. Komanda indi yaxşı durumdadı. Məncə, ''Fənər''in son zərbələri güclü olan təmiz mərkəz hücumçusuna ehtiyacı var. Qışda ən azı 3 transfer həyata keçirilməlidi. Topla sürətli irəliləməyi, rəqibi driblinqlə keçməyi bacaran oyunçular alınsa, komanda gücünə bir qədər də güc qatar. Dörd ildi, məşqçiliyə ara vermişəm. Şərhçilik üçün bir çox yerlərdən təkliflər aldım. Amma bu sahəyə daxil olmaq istəmədim. Çünki söylədiyim sözlərin dinləyənlər tərəfindən bir dəyərinin olmasını istəyirəm. Məşqçilikdən şərhçiliyə, şərhçilikdən məşqçiliyə tez-tez keçənləri anlamıram. Bunu maddi ehtiyaclar üzündən edirlərsə, anlayıram. Amma bir gün orda, bir gün burda, belə düzgün deyil. Şərhçi kimi işlədiyin zaman dediklərini məşqçi kimi işləyərkən həyata keçirə bilmirsənsə, o zaman danışdıqlarına diqqət yetirməlisən. Məşqçi kimi heç nə edə bilməyənlər şərhçiliyə başlayan kimi yekə-yekə danışmağa başlayırlar. Həmin insan bununla etibarını zədələyir. Mən nə vaxtsa, şərhçiliklə məşğul olsam, deməli həmin an artıq məşqçi karyeramı bitirmiş olacam''.