''Qalatasaray''ın əfsanəsi Edersonun ''Fənərbaxça''ya keçməsi haqda nə dedi?
İstanbul nəhənglərinin sentyabrın əvvəllərində reallaşdırdıqları qapıçı transferləri diqqət çəkdi.
"Football-plus.az" xəbər verir ki, Dominik Livakoviç ilə yollarını ayıran ''Fənərbaxça'' ''Mançester Siti''dən Edersonu heyətinə qatdı. Halbuki dünyaca ünlü braziliyalı qapıçı yayboyu ''Qalatasaray''ın hədəfində idi. Ancaq danışıqlar apardığı tanınmış qapıçıların heç birini transfer edə bilməyən ''Cim-Bom'' sonda məcburiyyət qarşısında ''Trabzonspor'' və Türkiyə yığmasının qapıçısı Uğurcan Çakırı heyətinə qatdı. Özü də bonuslarla birlikdə 36 milyon avroya!
Bu arada sabiq braziliyalı qapıçı Klaudio Taffarel Edersonun ''Fənərbaxça''ya yollanmasına münasibət bildirib. ''Qalatasaray'' tarixində iz buraxmış isimlərdən olan Taffarel Braziliya mətbuatına bunları deyib:
''Ederson transferdən öncə mənim fikrimi soruşsaydı, ona ''Fənərbaxça''ya yox, ''Qalatasaray''a yollanmağı məsləhət görərdim. Necə ki, Fredlə də Türkiyəyə yollanmamışdan öncə söhbət etmişdim. Ona ''Qalatasaray''a getməyi məsləhət görmüşdüm. Amma sözümü dinləməyərək ''Fənər''ə üstünlük vermişdi. İndiyə qədər də titul qazana bilməyib. ''Fənərbaxça'' da təbii ki, böyük böyük klubdu. Amma ''Qalatasaray'' hər zaman Türkiyənin ən yaxşısıdı''.
Digər xəbərlər
