“Cəbrayıl”la matça qədər cüzi xal itkiləri yaşamışdıq. Bu komandaya uduzandan sonra daha çox xallar itirdik. Oyun perspektiv vəd etmədiyindən Elvin Məmmədovla yolları ayırmalı olduq. Yeni baş məşqçi Adil Şükürov ilk oyunda böyükhesablı qələbə qazansa da, “Şahdağ Qusar” və “Şimal” ilə matçlarda bunu bacarmadı. Komanda Qusar təmsilçisiylə görüşdə xeyli qol vəziyyəti yaratdı. Hesabı bərabərləşdirsə də, qələbə qolunu vurmaq mümkün olmadı. Xaçmazlılara qarşı görüş haqda isə danışmağa ehtiyac duymuram. Aşkar autsayderə uduzmağın izahı ola bilməz. Heyətə gəlincə, digər komandaların büdcəsindən xəbərdar deyilik. Kimin nəyi varsa, necə deyərlər, sağlığına qismət! Çalışacağıq ki, heyəti gücləndirək. Hədəf dəyişməyib. Çempion olmaq istəyirik. İtirdiyimiz xalların önəminin fərqindəyik. Ancaq hələ mövsümün qalan yarısı irəlidədi. Qatarın tam getdiyini düşünmürük”.