Türkiyə kubokunda qrup mərhələsinin püşkatma mərasimi keçirilib.

"Football-plus.az" xəbər verir ki, bu turnirdə təsnifat mərhələsini uğurla keçən 19 və ötən mövsümü ilk “5-lik”də tamamlayanlar da daxil olmaqla 24 komanda yoluna davam edir.

Püşkdən öncə 24 komanda 4 səbətə ayrıldı. Hər klub hər səbətdən yalnız bir klubla qarşılaşacaq. Hər qrupda 8 klub yer almaqla 3 qrup yaradılıb. Yəni hər klub qrupda 2-si evdə, 2-si səfərdə olmaqla yalnız 4 oyun keçirəcək. İlk iki pilləni tutanlar, eləcə də qrup üçüncüləri arasında ən yaxşı ikisi 1/4 finala vəsiqə qazanacaq. Öncə qrupların tərkibləri ilə tanış olaq.

A qrupu
Qalatasaray, Beşiktaş, Trabzonspor, Alanyaspor, Fatih Karagümrük, İstanbulspor, Boluspor, Fəthiyəspor

B qrupu
Samsunspor, Eyüpspor, Konyaspor, Antalyaspor, Gənclərbirliyi, Bodrum, İğdır, Aliağa Futbol

C qrupu
Fənərbaxça, Beşiktaş, Çaykur Rizəspor, Qaziantep, Kocaelispor, Əruzrumspor, Keçiörəngücü, Beyoğlu Yeniçarşı

1-ci tur dekabrın 23-25-də, 2-ci tur yanvarın 13-15-də, 3-cü tur fevralın 3-5-də, 4-cü tur martın 3-5-də keçiriləcək.

İlk turdaca futbolsevərləri İstanbul derbisi gözləyir. Belə ki, “Fənərbaxça” doğma fanatları önündə “Beşiktaş”ı qəbul edəcək. “Fənər” sonrakı turlarda “Beyoğlu Yeniçarşı” (səfərdə), “Ərzurumspor” (evdə) və “Qaziantep” ilə qarşılaşacaq. Kubokun son qalibi “Qalatasaray” qrup mərhələsinə evdə “İstanbul BŞ”yə qarşı oyunla start verəcək. “Cim-Bom” növbəti həftələrdə “Fəthiyəspor” (s), “İstanbulspor” (e) və “Alaynaspor”la (s) üz-üzə gələcək. Federasiyaya etiraz əlaməti kimi “Qalatasaray”dan heç kimin püşkatmada iştirak etməməsi diqqəti çəkdi.

“Beşiktaş”ı ilk turdakı derbinin ardından “Keçiörəngücü” (e), “Kocaelispor” (s) və “Çaykur Rizəspor”la (e) oyunlar gözləyəcək. “Trabzonspor” isə ilk turda evdə “Alanyaspor”u qəbul edəcək. Kubokun son finalçısı statusunda olan Trabzon təmsilçisi növbəti həftələrdə “İstanbulspor” (s), “Fəthiyəspor” (e) və “İstanbul BŞ” (s) ilə oynayacaq.

Onu da bildirək ki, “Fənər”in heyətində Ən-Nəsiri ilə Nene, “Beşiktaş”dan isə Ndidi ilə Ture derbini buraxacaq. Onların hamısı həmin tarixdə Afrika Millətlər Kubokunda yer alacaq.