“Stadion məsələsi ilə bağlı ciddi irəliləyiş yoxdu. Daha doğrusu, gözləntimiz o idi ki, AFFA bizə kömək edəcək, amma heç bir xəbər yoxdu. Ona görə də artıq başqa variantları düşünürük. İmişlidə başqa yer tapıb, özümüzə stadion tikmək istəyirik. Bu yöndə də işlərimiz gedir. Həmkarınız İlkin Sultanlı podkastında yaxşı vurğulayıb ki, ölkədə Heydər Əliyevin adını daşıyan iki stadion var, ikisi də bu vəziyyətdədi. Bu, ulu öndərimizin adına layiq hərəkət deyil. Açığı, düşünürdüm ki, bundan sonra daha çox reaksiya gələcək, daha çox maraqlananlar olacaq. Təəssüf ki, heç bir reaksiya yoxdu. AFFA da bu məsələdə bir müddət maraqlı oldu, MKT ilə danışıqlara başladı. Gənclər və İdman Nazirliyinə də müraciət etmişik ki, bizə dəstək olsunlar. Stadion nazirliyin nəzdində olmasa da, düşündüm ki, təsirləri ola bilər. İşlərimiz davam edir, müraciət edirik. Görək nəticə necə olacaq”.