“Mançester Siti”nin hücumçusu Erlinq Holann İngiltərə premyer-liqasında tarixi nəticəyə nail olub.
"Football-plus.az" xəbər verir ki, o, 14-cü turun “Fulhem”lə oyununda qapıya yol tapıb. Bununla da 25 yaşlı forvard liqadakı 100-cü qolunu vurub. Beləliklə, Erlinq premyer-liqanın tarixində 100 qol həddinə daha tez çatan futbolçu olub. Norveçli oyunçunun rekord üçün cəmi 111 matça ehtiyacı olub.

Bu planda 2-ci yerdə 100 qolu 125 oyuna vuran “Nyukasl”ın keçmiş hücumçusu Alan Şirer qərarlaşıb. 3-cü pillədə isə 100 qola 142 matçda çatan sabiq “Tottenhem”li Harri Keyn yer alır.