''Mançester Siti''nin qol maşını Erlinq Holann rəqibləri top atəşinə tutmaqda davam edir.

Ötən tur ''İpsviç''lə oyunda het-trik edən norveçli qoleador bu dəfə eyni performansı ''Vest Hem''lə səfər oyununda (3:1) sərgilədi. Bununla da Holann premyer-liqada 8-ci het-trikini rəsmiləşdirərək bu göstəricidə Maykl Ouen, Harri Keyn və Tyerri Anri kimi ulduzlara çatdı. İndi bu turnirdə Holann het-trik sayına görə yalnız Serxio Aquero (12), Alan Şirer (11) və Robbi Faulerdən (9) geri qalır.

Maraq üçün bildirək ki, 8 het-triki Anri 258 oyuna, Keyn 320 oyuna, Ouen isə 326 oyuna rəsmiləşdirdiyi halda Holann premyer-liqa yalnız 69 oyun keçirib! Bundan başqa 24 yaşlı futbolçu XXI əsrdə İngiltərə çempionatında ilk 3 turun 2-də het-trik edən birinci futbolçu oldu. Daha öncə bunu 1994/95-də ''Bredford''lu Pol Cuell bacarmışdı.

ƏLİ