Türkiyə nəhəngləri ''Koka-Kola''nın sponsorluq təklifini geri çevirdilər!
ABŞ-nin məşhur ''Koka-Kola'' şirkəti nə qədər çalışsa da, hələ ki, Türkiyə klublarına sponsor ola bilmir.
Son iki gündə Türkiyənin iki nəhəng klubu - ''Trabzonspor'' və ''Beşiktaş'' İsrail ilə sıx əlaqələri olan və bu ölkədə bir neçə zavodu olan ''Koka-Kola''nın sponsorluq təklifini geri çevirib. ''Qartal''ın baş katibi Uğur Fora ictimaiyyətin bu mövzudakı həssaslığını nəzərə alaraq qərar verdiklərini bildirib:
''Bu anlaşmanın etik olmayacağını düşündüyümüz üçün qəbul etmədik. ''Beşiktaş'' olaraq hər zaman ictimaiyyətin fikrini ön planda tuturuq. Nələr yaşandığını hər kəs bilir. Fanatlarımız da bu işbirliyini dəstəkləmədi. Ölkəmizin mövqeyini və insanlarımızın bu mövzudakı həssaslığını nəzərə alaraq anlaşmadan vaz keçdik. ''Beşiktaş'' üçün hər zaman vicdan ön plandadı''.
Ötən gün isə ''Trabzonspor'' prezidenti Ərtuğrul Doğan bunları demişdi:
''Fələstində, Qəzzada yaşananlar ortadadı. Qəlbim bu işbirliyinə razılıq vermədi''.
Digər xəbərlər
