“Football-plus.az” xəbər verir ki, həmkarımız Edmondo Pinna təcrübəli hakimə 10 ballıq şkala üzrə 5,5 verib. O, qiymətin səbəbini belə izah edib:
“Marçinyak bu dəfə daha yaxşısını bacarsa da, təmiz idarəçiliklə yadda qalmadı. O, “Napoli”nin matçında sonuncu dəfə 2023-cü ildə - neapolluların “Milan”a qarşı oyununda iş başında olmuşdu və həmin vaxt da yaxşı iş görə bilməmişdi. Ədalət təmsilçisi Marko Yankoviçin cərimə meydançasında Di Lorentsoya təmas etməsindən sonra penalti qərarı verdi. Çünki “Qarabağ”ın futbolçusu “Napoli”nin oyunçusunun ayağına toxunmuşdu. Lakin burda problem başqa idi. Əslində Di Lorentso bir neçə saniyə əvvəl Yankoviçi uzaqlaşdırmağa çalışarkən üzünə toxundu və bu, avtomatik fola səbəb oldu. Bəli, VAR folu qeydə aldı, ancaq bu epizodla bağlı şübhələr davam edir. Başqa bir epizodda Azərbaycan komandasının futbolçusu Mateus Silva cərimə meydançası daxilində Skott Maktominaya çatır və rəqibinin sol ayağına təmas edir. Burda UEFA standartlarına görə penalti verilməliydi. Lakin Marçinyak “nöqtə”ni göstərmədi”.
KƏNAN BAHADIR
