“Qarabağ”ı məğlub etmək Antonio Kontenin komandası üçün çətin olmayacaq” – italiyalı jurnalist
İtaliyalı idman jurnalisti Karlo Taqliaqambe bu gün Çempionlar Liqasının liqa mərhələsinin 5-ci turu çərçivəsində keçiriləcək “Napoli” – “Qarabağ” matçı haqda yazıb.
“Football-plus.az” xəbər verir ki, həmkarımız bu qarşılaşmanın Neapol təmsilçisi üçün dönüş nöqtəsi olacağını bildirib. O, qeyd edib ki, “Qarabağ”ı məğlub etmək Antonio Kontenin komandası üçün çətin olmayacaq:
“Napoli” Çempionlar Liqasında uğursuz mövsüm keçirir. İlk 4 matçda cəmi 4 xal toplaya bilən komanda 24-cü sıradadı. Lakin bu axşam vəziyyət dəyişə bilər. Rəqib “Qarabağ”dı. Neapollular bu matçda klassik avrokubok qələbələrindən birini qazanacaq. Hər halda, “Napoli” “Atalanta” üzərində qələbəyə imza atmaqla kiçik böhrandan xilas olub. İndi həmin uğuru Çempionlar Liqasına da daşımaqla turnir hədəflərinə köklənməyin vaxtıdı. O başqa məsələ ki, “Qarabağ” həqiqətən də bu mövsüm Çempionlar Liqasının kəşfidi”.
Xatırladaq ki, “Napoli” – “Qarabağ” oyunu bu gecə saat 00.00-da start götürəcək.KƏNAN BAHADIR
Digər xəbərlər
