“Səfərlə bağlı bütün xərc telekanal tərəfindən qarşılanacaq” – “Qarabağ” İTV-nin əməkdaşlarını da aparmır...
"Qarabağ" Çempionlar Liqasının liqa mərhələsinin 5-ci turu çərçivəsində "Napoli"nin qonağı olacaq.
"Football-plus.az"ın xəbər lentində matçla bağlı bir sıra məqamlara aydınlıq gətirən məlumatlarla tanış olmusuz. İndi növbə qarşılaşmanın canlı yayınıyla bağlı bilginindi. Bu məqsədlə matçın canlı yayınlayacaq “İctimai” TV-nin İdman Departamentinin rəhbəri Kənan Hakimovla əlaqə saxladıq. Onun cavabı:
"Səfərlə bağlı bütün xərc telekanal tərəfindən qarşılanacaq. Mən və oyunu şərh edəcək Tural Dadaşov bu gün səhər saatlarında Neapola yollandıq. İctimai Televiziya olaraq, komandamızın "Napoli"yə qarşı keçirəcəyi səfər matçını keyfiyyətli formada yayınlamaq üçün əlimizdən gələni edəcəyik. Saat 23.00-dan başlayaraq "Bol idman" verilişinin oyunla bağlı buraxılışı canlı yayında olacaq. Görüşün başlamasına az qalmış isə meydanın kənarından efirə canlı qoşulacağıq".
Xatırladaq ki, oyun noyabrın 25-i, saat 00.00-da başlayacaq.KƏNAN BAHADIR
Digər xəbərlər
