“Selye” “İctimai” TV üçün peyk yayını təşkil etmədi! – Kənan Hakimov detalları açıqladı
Məlum olduğu kimi, “Sabah” bu gün Avropa Liqasının 1-ci təsnifat mərhələsinin cavab oyununda “Selye”nin qonağı olacaq. Matçın “İctimai” TV-nin efirində canlı yayınlanacağını yazmışdıq. Bu dəfə yayının detallarıyla bağlı ətraflı məlumatı diqqətinizə çatdırırıq.
“İctimai” TV-nin İdman Departamentinin rəhbəri Kənan Hakimovun “Football-plus.az”a açıqlaması:
“Selye” bizə peyk yayını üçün şərait yaratmadı. İnternet yayını olacaq. Əlbəttə, peyk yayını daha keyfiyyətli olur. Gecikmələr olmur. Bununla yanaşı, matç yerindən yox, ölkəmizdən şərh ediləcək. Şərhçi Tural Dadaşov olacaq. Oyun həm televiziya, həm də “yutub” kanalımızda canlı yayınlanacaq. Meydan sahibi komanda “Selye”di. Onlar nə deyirsə, ona qane olmalıyıq. Həmçinin qarşı tərəf burdakı matçda bizdən siqnal istəməmişdi”.
Xatırladaq ki, matç saat 22.00-da start götürəcək.KƏNAN BAHADIR
Digər xəbərlər
