DÇ-2026-nın seçmə mərhələsinə yekun vurulub.
"Football-plus.az" xəbər verir ki, bu mərhələnin bombardiri Erlinq Holann olub. Norveç yığmasının hücumçusu seçmə turnirdə 16 qol vurub. Bu, həm də dünya çempionatının seçmə mərhələləri tarixində Avropa zonasında qol rekordunun təkrarlanmasıdı. 

Xatırladaq ki, Polşa yığmasının hücumçusu Robert Levandovski DÇ-2018-in seçmə turnirində 16 qol vurmuşdu.

Avropa zonası üzrə seçmə mərhələdə Marko Arnautoviç (Avstriya), Memfis Depay (Niderland) və Harri Keyn (İngiltərə) 8 qolla bombardirlərin siyahısında 2-4-cü yerləri bölüşüblər. Andrey Kramariç (Xorvatiya) ilə Mikel Merino (İspaniya) isə hərəyə 6 qol vurub.