İsrailə qarşı növbəti aksiya reallaşıb. Dünyanın tanınmış futbolçuları da daxil olmaqla 70-dən çox peşəkar idmançı UEFA-nı bu ölkənin təmsilçilərini yarışlardan kənarlaşdırmağa çağırıb.

"Football-plus.az" xəbər verir ki, onlar bu addımı fələstinlilərin hüquqlarının vəhşicəsinə pozulmasına etiraz olaraq atıblar.

Bu barədə “Əl-Cəzirə” telekanalının yaydığı məlumata görə, “Sülh uğrunda idmançılar” adlı qrupun təşəbbüsü ilə UEFA-nın prezidenti Aleksander Çeferinə məktub göndərilib. Məktubu imzalayanlar arasında “Monako”nun yarımmüdafiəçisi Pol Poqba, “Vidad”ın məşhur futbolçusu Hakim Ziyeş və “Fulhem”də çıxış edən Adama Traore də var. Məktubda Fələstin xalqına münasibətdə insanlığa qarşı cinayətlərin törədildiyi və bu kimi halların cəzasız qalmamalı olduğu vurğulanıb.

İdmançılar bu səbəbdən UEFA-nı İsrail Futbol Assosiasiyası ilə əlaqələri dayandırmağa çağırıblar.