UEFA İsrail yığması ilə bağlı növbəti qərarını verib. Milli komandanın AÇ-2024-ün seçmə turnirində İsveçrə və Rumıniyaya qarşı ev oyunlarını keçirəcəyi yer müəyyənləşib.

“Football-plus.az” xəbər verir ki, UEFA İsrail ilə HƏMAS arasındakı müharibəyə görə İsrail millisinin ev oyunlarının neytral meydanda keçirməsinə qərar verib. Qurumun yaydığı məlumata görə, komanda Qəzza zolağında başverənlərə görə ev oyunlarını Macarıstanın Felçut şəhərindəki “Panço Arena”da keçirəcək. İsrail yığması noyabrın 15-də İsveçrə, noyabrın 18-də isə Rumıniya ilə qarşılaşacaq. UEFA-nın qərarına əsasən, hər iki matç azarkeşlərin iştirakı ilə keçiriləcək.