İvan Yuriçin səhhətində problem yaranıb. “Atalanta”nın baş məşqçisi xəstəxanaya yerləşdirilib.
İtaliya klubunun rəsmi saytının məlumatına görə, buna bir neçə gün əvvəl yuxarı tənəffüs yollarında yaranan iltihab səbəb olub. Son məlumata əsasən, hazırda 49 yaşlı mütəxəssisin vəziyyəti yaxşılaşıb və o, yaxın günlərdə xəstəxanadan evə buraxılacaq.

Yuriç iyulun 6-da Berqamo klubuna baş məşqçi təyin olunub. O, komandanı 9 il çalışdıran Can Pyero Qasperininin yerini tutub.