Nəhayət, “Bayer-04”də məşqçi probleminə son qoyulub. Almaniya klubu yeni baş məşqçinin adını açıqlayıb.

Bundesliqa təmsilçisinin mətbuat xidmətinin məlumatına görə, komanda Kasper Yulmanna tapşırılıb. Danimarkalı mütəxəssis baş məşqçi vəzifəsindən bir neçə gün əvvəl istefaya göndərilən Erik ten Haqın yerini tutub. 53 yaşlı məşqçi ilə müddəti 2027-ci ilin yayına qədər nəzərdə tutulan müqavilə imzalanıb.

Yulmannın çalışdırdığı sonuncu komanda Danimarka yığması olub. Milli komanda onun rəhbərliyi altında AÇ-2020-nin final mərhələsində yarımfinala qədər irəliləyib.