Noyabrın 6-da Avropa Liqasının (AL) əsas mərhələsində 4-cü turun oyunları keçirildi.

"Football-plus.az" xəbər verir ki, cümə axşamı növbəti 18 oyunun həyəcanı yaşandı.

AL-in yeni mövsümünün ilk 3 turu 3 komanda üçün əla alınmışdı. Bütün oyunlarında qalib gələn “Midtüllann”, “Braqa” və “Lion” turnir cədvəlində şərikli liderliyə nail olmuşdular. 4-cü turda bu klublardan yalnız biri qələbə seriyasını davam etdirə bildi. “Braqa” və “Lion” liqa mərhələsində ilk dəfə budrədilər. İlk 3 oyunda qapısını toxunulmaz saxlayan “Braqa” öz meydanında “Genk”dən 4 top buraxdı. 3:4 hesabıyla uduzan Portuqaliya klubu 5-ci yerə düşdü. “Betis”dən İspaniyada 2 cavabsız top buraxan “Lion” 7-ci yerə gerilədi. “Midtüllann” isə növbəti oyununu da qalib başa vuraraq vahid liderliyə nail oldu. Danimarka klubu cümə axşamı evdə “Seltik”i 3:1 hesabıyla məğlub etməklə qələbə seriyasını davam etdirdi. Bu nəticəni gözləmək olardı. Belə ki, “Seltik” artıq avrokuboklarda rəqib meydanlarında 15 oyundu qələbə qazana bilmir. Şotlandiya klubu cümə axşamı bu matçlarda 10-cu dəfə uduzdu və qlazqoluların qapısında gördükləri topların sayı 40-a çatdı.

Tura hərəyə 7 xal toplamaqla 4-7-ci yerləri bölüşməklə başlayan komandalardan ikisi qalib gəldi. “Nitsa”nı Fransada 3:1 hesabıyla üstələyən “Frayburq” xalını 10-a çatdırmaqla 2-ci yerə yüksəldi. Hələ də xalı olmayan “Nitsa” turnir cədvəlində 35-ci yerdədi. Qeyd edək ki, komandanı çalışdıran Frank Ez AL-dəki 14 sınağında bir dəfə olsun qələbə qazana bilməyib. “Nitsa” ilə yalnız 4 oyunda uduzmayan 54 yaşlı fransalı mütəxəssis belə uğursuz seriya ilə turnirdəki antirekordunu yenilədi.

İlk 3 oyunda 7 xal toplayan iştirakçılardan “Ferentsvaroş” Macarıstanda “Ludoqorets”ə 3:1 hesabıyla qalib gələrək topların fərqinə əsasən 3-cü yerə çıxdı. Turu qələbə ilə başa vuran “Selta” ilə “Aston Villa” xallarının sayını 9-a çatdırdılar. Bu komandalar hazırda uyğun olaraq 4-cü və 6-cı yeri tuturlar.

Diqqəti cəlb edən nəticələr sırasında “Nottingem Forest”in büdrəməsini də qeyd edək. “Şturm” ilə Avstriyada keçirilən matç qolsuz sona çatdı. İngiltərə komandasının oyunçusu Gibbs-Uayt penaltidən yararlana bilmədi. Nəticədə bu mövsüm “Nottingem Forest”in bütün turnirlərdəki qələbəsiz seriyası 8 oyuna çatdı. “Meşəçilər” bu oyunlarda 4-cü dəfə bir xal qazana bildilər.

Hesabat turunda AL-in favoritlərindən sayılan “Portu” da büdrədi. Portuqaliya çempionatının lideri “Utrext” ilə Niderlandda 1:1 hesabına razılaşdı. Françesko Fariolinin komandası ev sahiblərinin oyunçusu Barkasın 66-cı dəqiqədə qırmızı vərəqə almasından yararlana bilmədi. Nəticədə Portuqaliya klublarının Niderlanda son 12 səfərində qazandığı yeganə qələbə sayı artmadı. “Utrext” liqa mərhələsində ilk xalına sevindi. “Reyncers” isə azarkeşlərinə ardıcıl 4-cü məğlubiyyətin acısını daddırdı. Evdə “Roma”dan iki cavabsız top buraxan Şotlandiya klubu əvvəlki kimi sonuncu – 36-cı yerdədi.

4-cü turun 3 oyununda qol qeydə alınmadı: “Şturm” - “Nottingem Forest” matçı kimi “Bolonya” – “Brann” və “Viktoriya” – “Fənərbaxça” duelləri də başladığı hesabla sona çatdı. Xatırladaq ki, bundan əvvəl 1-ci turun PAOK – “Makkabi” (Təl-Əviv), 3-cü turun “Genk” – “Betis” matçlarında qapılara qol vurulmamışdı.

liqa mərhələsi, 4-cü tur
Midtüllann (Danimarka) - Seltik (Şotlandiya) 3:1
Erliç, 33. Qorqoja, 35. Cu, 41 – Hatate, 81-p.
Midtüllann: E.Olafsson, Mbabu, Li Han Bom, Erliç (Diao, 85), Bek, Bravo, Billinq (Andreasen, 71), Osorio (Kastilyo, 79), Ço Qyu Son, Qorqoja (Şimşir, 59), Cu (Brumado, 59).

Nitsa (Fransa) - Frayburq (Almaniya) 1:3
Kevin Karlos, 25 – Manzambi, 29. Qrifo, 39-p. Şerhant, 42.
Frayburq: Atubolu, Ginter, Linxart, Kübler (Rozenfelder, 79), Makenqo, Eqqeştayn, Manzambi (Höfler, 66), Şerhant (Beste, 66), Sudzuki, Qrifo (Höler, 66), Adamu (Matanoviç, 83).

Dinamo (Xorvatiya) - Selta (İspaniya) 0:3
P.Duran, 4; 28. Dominges, 28-öz qapısına.
Selta: Vilyar, X.Rodriges, Starfelt (Laqo, 76), Dominges, Ristiç, Roman (Sotelo, 85), El-Abdellaui, Aspas, Beltran (D.Rodriges, 76), P.Duran (İqlesias, 63), Saraqosa (Cutqla, 63).

Aston Villa (İngiltərə) - Makkabi (Təl-Əviv, İsrail) 2:0
Maatsen, 45+1. Malen, 59-p.
Aston Villa: E.Martines, Lindelöf, Konsa, Pau Torres (Kamara, 64), Maatsen, Boqard, Onana (Makqinn, 75), Rocers (Uotkins, 64), Sanço (Tilemans, 75), Malen, Qessan (Buendiya, 75).

Betis (İspaniya) - Lion (Fransa) 2:0
Ezzalzuli, 30. Antoni, 35.
Betis: Valyes, Ruibal, Lyorente, Natan, Qomes, Fornals (Deossa, 78), Lo Çelso (Altimira, 65), Roka, Antoni (Pablo Qarsiya, 87), Bakambyu (Avila, 78), Ezzalzuli (Rikelme, 87).
Lion: Qreyf, Meytlend-Nayls (Mata, 84), Klyuvert, Nyakate, Abner Vinisius (Talyafiko, 46), Tessman (Morton, 65), De Karvalyo, Mera (Şults, 65), Karabets, Satriano, Moleb (Moreyra, 46).

Reyncers (Şotlandiya) - Roma (İtaliya) 0:2
Sule, 13. Pelleqrini, 37.
Roma: Svilar, Ermoso, Mançini, Ndika, Çelik (Uesli Fransa, 73), Kristante, Əl-Aynaui, Simikas (Rensx, 73), Sule (Əl-Şaaravi, 66), Dovbik (Pizilli, 86), Pelleqrini, (Kone, 86).

Srvena Zvezda (Serbiya) - Lill (Fransa) 1:0
Arnautoviç, 85-p.
Lill: Özər, Verdonk (Pyerro, 86), Tyaqo Santuş (Menye, 67), Mandi, Mbemba, Buaddi, Bentaleb, Broholm, Mukau (Haraldsson, 81), Korreya (Fernandes-Pardo, 67), İqman (Jiru, 67).

Ştutqart (Almaniya) - Feyenoord (Niderland) 2:0
Əl-Hannus, 84. Undav, 90+1.
Ştutqart: Nübel, Yeltş, Vaqnoman (Levelinq, 46), Habot (Zaqadu, 80), Mittelştadt (R.Hendriks, 80), Çema Andres, Ştiller, Assinyon, Əl-Hannus (Buanani, 85), Tomaş (Fürix, 85), Undav.

Şturm (Avstriya) - Nottingem Forest (İngiltərə) 0:0
Nottingem Forest: Viktor, Savona, Milenkoviç, Morato, Dominges, Yeyts, İ.Sanqare, Makeyti (Ndoy, 66), N.Uilyams, Gibbs-Uayt (Murilyo, 77), Kalimuendo (Ebbott, 79).

Bolonya (İtaliya) - Brann (Norveç) 0:0
Bolonya: Skorupski, Likoyannis, Holm, Heggem, Lukumi, Moro (Pobeqa, 82), L.Ferqyuson, Bernardeski (Orsolini, 75), Fabbian (Miranda, 29), Kambyaqi (Odqor, 75), Kastro (Dallinqa, 82).
Zaltsburq (Avstriya) - Qou Ehed İqls (Niderland) 2:0
Vertessen, 59. Terziç, 80.

Bazel (İsveçrə) - FKSB (Rumıniya) 3:1
Şakiri, 19-p.; 73. Salah, 88 – Olaru, 57.

Utrext (Niderland) - Portu (Portuqaliya) 1:1
Rodriges, 48 – Sayns, 66.

Malmö (İsveç) - Panatinaikos (Yunanıstan) 0:1
Curiçiç, 85.

PAOK (Yunanıstan) - Yanq Boyz (İsveçrə) 4:0
Byanko, 54. Yakumakis, 67. Konstantelias, 72. Baba, 76.

Viktoriya (Plzen, Çexiya) - Fənərbaxça (Türkiyə) 0:0

Ferentsvaroş (Macarıstan) - Ludoqorets (Bolqarıstan) 3:1
Kanixovski, 32. Kadu, 53. Yojef, 87 – Son, 78.

Braqa (Portuqaliya) - Genk (Belçika) 3:4
Salasar, 30; 71. Navarro, 86 – Heymans, 45+2. Sor, 48. O Hyon Qyu, 59. Medina, 72.

1. Midtüllann 4 4 0 0 11-3 12
2. Frayburq 4 3 1 0 8-3 10
3. Ferentsvaroş 4 3 1 0 8-4 10
4. Selta 4 3 0 1 9-4 9
5. Braqa 4 3 0 1 8-4 9
6. Aston Villa 4 3 0 1 6-2 9
7. Lion 4 3 0 1 5-2 9
8. Viktoriya P 4 2 2 0 6-2 8
9. Betis 4 2 2 0 6-2 8
10. PAOK 4 2 1 1 9-6 7
11. Brann 4 2 1 1 5-2 7
12. Dinamo 4 2 1 1 7-6 7
13. Genk 4 2 1 1 5-4 7
14. Portu 4 2 1 1 4-4 7
15. Fənərbaxça 4 2 1 1 4-4 7
16. Panatinaikos 4 2 0 2 7-6 6
17. Bazel 4 2 0 2 6-5 6
18. Roma 4 2 0 2 5-4 6
19. Lill 4 2 0 2 6-6 6
20. Ştutqart 4 2 0 2 4-4 6
21. Qou Ehed İqls 4 2 0 2 4-5 6
22. Yanq Boyz 4 2 0 2 6-10 6
23. Nottingem Forest 4 1 2 1 6-5 5
24. Bolonya 4 1 2 1 3-3 5
25. Srvena Zvezda 4 1 1 2 3-5 4
26. Şturm 4 1 1 2 3-5 4
27. Seltik 4 1 1 2 4-7 4
28. Zaltsburq 4 1 0 3 4-6 3
29. Feyenoord 4 1 0 3 3-6 3
30. Ludoqorets 4 1 0 3 5-9 3
31. FKSB 4 1 0 3 3-7 3
32. Utrext 4 0 1 3 1-5 1
33. Malmö 4 0 1 3 2-7 1
34. Makkabi T-Ə 4 0 1 3 1-8 1
35. Nitsa 4 0 0 4 4-9 0
36. Reyncers 4 0 0 4 1-8 0

Bombardirlər: Aktürkoğlu (Fənərbaxça), Cu (Midtüllann), Sviderski, Zaruri (hər ikisi “Panatinaikos”), İqman (Lill), İqor Jezus (Nottingem Forest), Navarro (Braqa), Şakiri (Bazel) - 3.

Növbəti turun oyunları noyabrın 27-də keçiriləcək: Roma – Midtüllann, Aston Villa – Yanq Boyz, Portu – Nitsa, Viktoriya P – Frayburq, Fənərbaxça – Ferentsvaroş, Feyenoord – Seltik, Lill – Dinamo, PAOK – Brann, Ludoqorets – Selta, Bolonya – Zaltsburq, Svena Zvezda – FKSB, Qou Ehed İqls – Ştutqart, Genk – Bazel, Makkabi T-Ə – Lion, Nottingem Forest – Malmö, Panatinaikos – Şturm, Reyncers – Braqa, Betis – Utrext.